Susana Seivane
Alma de Buxo
2001 BOA MUSIC
Boa Music presenta "Alma de Buxo", o segundo disco da gaiteira Susana Seivane no que funde o tradicional co contemporáneo, e co que confirma a súa solidez e talento como estrela internacional do folc.
O titulo deste álbum, "Alma de Buxo", o material co que se elaboran os punteiros das gaitas tras un lento e prolongado proceso de secado realizado no obradoiro que rexenta a familia Seivane en Cambre (A Coruña), proceso que pode chegar a alcanzar varios anos e que se inicia co corte deste arbusto nunhas fases lunares concretas.
E a Susana Seivane tamén lle levou tempo a elaboración das composicións que conforman o seu novo disco. O anterior e único productor da súa primeira gravación, Rodrigo Romaní, un dos fundadores de Milladoiro, colabora novamente, pero a novidade é que a propia instrumentista involucrouse totalmente nesta segunda producción, coa axuda de Brais Maceiras e Xurxo Iglesias, compoñentes da banda que acompaña á gaitera por toda Europa.
En total son seis os músicos que rodean a esta fermosa galega nesta segunda entrega: Beto Niebla (percusións), Brais Maceiras (acordeón), Carlos Freire (batería), Iván Laxe (baixo eléctrico), Xavier Gastañaduy (guitarra acústica) y Xurxo Iglesias (bouzouki). Pero tamén colaboraron en "Alma de Buxo" importantes figuras da música tradicional e folc como son Kepa Junquera, Uxía Senlle, Guadi Galego (Berrogüetto), Uxía Pedreira (Chouteira) e o seu propio avó, Xosé Manuel Seivane, gaiteiro e constructor, que gravou dúas composicións do seu repertorio.
Compoñentes do grupo:
TERESA SAYAS - batería e precusión tradicional.
BRAIS MACEIRAS - acordeón e acordeón diatónico.
XURXO IGLESIAS - bouzouki.
CARLOS FREIRE - percusión.
IVAN LAGE - baixo eléctrico
SUSANA SEIVANE
Alma de buxo
BOA RECORDING / COLECCIÓN DO FOL
CD l 35 l Ref.: 10002028 l BARRAS: 804071020420
MC l 20 l Ref.: 10003028 l BARRAS: 804071020437
Listaxe de cancións
01 Vai de Polcas
- Pasacorredoiras de Villanueva (do repertorio do gaiteiro Manuel de Villanueva)
- Frau Lackhoff (Composta por José J. Prededo)
- Vai de polca (Composta por Pepe Vaamonde)
02 A Farándula
Peza tradicional aprendida do Cancioneiro de Bal y Gay.
03 Saínza - Riofrío
Dúas xotas. A primeira composta por Susana Seivane pra a súa irmá Saínza, e a segunda composta por Magoia Bodega.
04 Roseiras de abril
Música: Susana Seivane
Letra: Uxía Senlle
Que sería de mín sen ollar
a terra infinda a ruxir
navegarei en ti como no mar
nas augas sen caír
Nada pode acalmar esta voz
de sal, de vento e coral
se o corazón se prende a onde sae
o ar lene do meu fol
Se soubera coller o brío
meu ramiño de alecrín
era quen de facer o niño
en Ribeira de Piquín
O meu corazón che mando
non hai regalo mellor
pasei a vida voando
a espreitar no mar maior
Xa o navío partíu e non vín
roseiras novas de abril
a túa man na area procurei
e non estaba alí
A saudade non sabe durmir
as redes saben do adeus
magoan máis as velas a tremer
se me vexo tan lonxe de ti
05 Xoaniña
Pepe Vaamonde
06 Rumba para Susi
Música: Ernesto campos
Arranxos: Xose Luís Represas
07 Vals Bretón - Muiñeira Picada
Vals: A. Ollu
Muiñeira: Tradicional aprendida de Juanjo Fernández, quen a aprendeu do gaiteiro da Fonsagrada, Emilio Fernández.
08 Na Terra de Trasancos
Rumba composta polo gaiteiro Andrés Toxeiro
09 Muiñeira de Alén
Peza tradicional recollida na parroquia de Alén (Ourense) por Cantigas e Agarimos e Montse Rivera de Leilía
Para cantar coma minhe
para cantar como eu canto
para cantar coma minhe
non abra-la boca tanto
Alá arriba na Portela
miña aldea asulaghada
alá arriba na Portela
que polo camiño hai lama
Ai que boa parelliña
ai que boa pare fanhe
ai que boa parelliña
parecen de flor de panhe
Para cantar veño eue
para bailar meu irmaue
para toca-lo pandeiro
viva quen o ten na maue
10 Ti e máis eu
Roberto Grandal e Susana Seivane
11 Chao - Curuxeiras. Xosé Manuel Seivane
Muiñeira do Chao: Xosé Manuel Seivane
A segunda muiñeira aprendeuna Xosé Manuel Seivane do gaiteiro Curuxeiras.
12 Chao - Curuxeiras. Susana Seivane
13 Marcha procesional dos Cinco de Galicia e Aturuxeira
A marcha procesional aprendeuna o gaiteiro Leonardo en Portomarín (Lugo), e despois tócabaa co seu grupo Os Cinco de Galicia.
A segunda peza é unha muiñeira composta por Pepe Vaamonde. Con ela gañou o concurso Constantino Bellón.
13 A Camposa
Xosé Romero "Os Rosales"