Hemeroteca

• 

  Xacobeo Raíces 2010

  Cantigas do Camiño

  Xacobeo Raíces 2010 é un proxecto creativo que dende marzo ata xuño foi recorrendo Galicia a través de concertos ofrecidos polos artistas galegos que nel colaboran. E lanza ó mercado neste ano santo a publicación dun disco-libro oficial do Camiño de Santiago, titulado Cantigas do Camiño, que inclúe novas cancións que amosan unha visión chea de enerxía da música do Camiño de Santiago. A nosa gaiteira máis querida, abre este álbume con "Camiño Longo", unha proposta persoal e contemporánea, herdeira de centos de anos de tradición musical. Vive o Camiño de Santiago escoitando esta fermosa música!

  27-05-2010 Leer más
• 

  23 de maio, ás 19:00h

  Susana Seivane nas Festiletras de Ponteceso

  Susana Seivane celebra desta maneira o Día das Letras Galegas, facendo o que mellor sabe. Así actuará en Ponteceso, na parroquia do Couto, o domingo 23 de maio, ás 19:00h, en frente da Fundación Eduardo Pondal, poñendo o broche final a estas xornadas das Festiletras galegas. As Festiletras celébranse en Ponteceso do 15 ao 23 de maio, cun programa festeiro e cultural rico en variedade. Estades todos convitados!

  14-05-2010 Leer más

• Susana Seivane no programa Alalá, TVG, 23:00h.

  Mañá, día 6 de maio, ás 23:00h, Susana Seivane será a protagonista do programa Alalá da TVG. Alalá emitirá interpretacións musicais con fragmentos documentais sobre a vida cotiá de Susana. O programa pretende reflexar o seu xeito de pensar, sentir e percibir a música tradicional e o mundo, sendo testemuña da faceta máis persoal da artista.

  05-05-2010 Leer más
• 

  6 maio 2010, ás 23:00h, no Alalá da TVG.

  Susana Seivane no programa Alalá

  Hoxe, día 6 de maio, ás 23:00h, Susana Seivane será a protagonista do programa Alalá da TVG. Alalá emitirá fragmentos de interpretacións musicais de Susana con partes documentais sobre a súa vida cotiá. O programa pretende reflexar o seu xeito de pensar, sentir e percibir a música e o mundo, sendo testemuña da faceta máis persoal da artista. Comparte un día na súa vida e descubre as súas inquietudes. Coñece un pouco máis a nosa gaiteira máis universal!

  05-05-2010 Leer más
• 

  24 abril 2010, 22:00h, Auditorio Municipal Gustavo Freire

  Xacobeo Raíces: Susana Seivane + Quempallou en Lugo

  O vindeiro día 24 de abril, ás 22:00 Susana Seivane actuará no Auditorio Municipal Gustavo Freire de Lugo, precedida da actuación da banda Quempallou ás 21:00. As entradas están xa á venda no servicio web de Caixanova. Merca a túa no link que atoparás máis abaixo. Este concerto forma parte do programa Xacobeo Raíces, un ciclo de concertos en cidades e pobos de toda Galicia, cun concerto especial en Madrid, e un total de 25 artistas e agrupacións galegas. Vémonos alí!

  19-04-2010 Leer más