Hemeroteca
-
Concerto 1/10/2010, Madrid
Susana Seivane con Los Limones
Susana Seivane inaugura os concertos de outono! Este venres dia 1 de outubro, será a artista invitada dos seus vellos amigos Los Limones, cos que colaborou en multitude de ocasións. O concerto será ás 21:30, na Sala Galileo Galilei, en Madrid. Non o podedes perder!
-
24/09/2010 - Riotorto, Lugo
Susana Seivane no homenaxe de Mini e Mero
Susana Seivane participou o venres pasado en Riotorto, Lugo, na homenaxe aos músicos e investigadores Mini e Mero, hoxe uns referentes dos artistas galegos. Mini e Mero son considerados uns dos pilares da actual música folk galega. Susana Seivane coa sua presencia e música, recoñeceu a súa traxectoria e a laboura destes pioneiros en defensa da cultura e identidade galegas.
-
La Voz de Galicia, 10/09/2010
Susana Seivane rende homenaxe aos Beatles
Susana Seivane participa cun nutrido grupo de músicos galegos e españois nun disco homenaxe aos Beatles, titulado 50. Con máis de 50 versións, conta coa colaboración de Yoko Ono nun dos temas e da irmá de John Lennon, Julia Baird, que recita uns textos. Proxecto xestado a principios do ano pasado, iniciativa de Médicos sen Fronteiras, a través do coruñés Chema Ríos, que pretende recadar fondos para esta entidade solidaria no 40º aniversario da separación dos Beatles. O disco verá a luz este Nadal nun formato triplo. Esperamos que vos guste!
-
Tantarantán, TVG, 10/09/2010, 22.30h.
Susana Seivane no Tantarantán
A nosa gaiteira máis querida, estivo o pasado venres, día 10 de setembro, no programa Tantarantán, da TVG, interpretando algúns dos temas do seu último disco "Os soños que volven", melodías da súa infancia e dos seus recordos que sempren a acompañan, como "Foliada do Quinteiro" ou "Qué dirán". Ve o programa pinchando no seguinte enlace.
-
Programa Ben Falado, TVG, 1/09/2010
Susana Seivane, o orgullo de ser galega
O programa Ben Falado emitiu o 1 de setembro unha entrevista onde Susana Seivane fala da súa identidade como galega, da lingua, da música como lenguaxe universal, do orgullo de pertencer a un pobo e a unha terra cunha cultura propia, que agradecida e satisfeita a leva por todo o mundo a través da súa música. Busca o programa Ben Falado no enlace, e escoita falar a nosa gaiteira co grande respecto e sentimento que ten polas súas raíces.